முத்தமிட...

தோற்றுப் போகவே

உன்னோடுப்

போட்டியிடுகிறேன்!

மலர் கொண்ட உன்

விரல் பட்டதும்;

மணம் வீசும்;

இனித்தாலும் வலித்ததுப்

போலவே விசும்புவேன்!

நீ எட்டி உதைக்கவே

வம்புச் செய்வேன்;

உதைப்பட்டதும்;

உளறியப்படியே

உருண்டுவிழுவேன்;

உன் கன்னத்தின் குழிக் காண!

முத்தமிட நான்

எட்டும்போதெல்லாம்;

கொட்டுப்படும் என் தலை!

விழித் திறந்திருந்தாலும் அழகு;

இமை ஊமையாகி

உறங்கினாலும் அழகு!

கண்மூடும் நேரத்திலும்

காதோடு ஒலிக்கும்;

உன் முணகல் சத்தம்;

என் விடுமுறை முடிந்து

நாடு திரும்பியப் பிறகும்!

பொத்திப் பொத்திப்

பொக்கிஷமாய்;

பத்திரப்படுத்திப்

புகைப்படமாய் நீ!

ஏக்கத்தோடு கனவிலும்

கரம் நீட்டும் உனக்கு;

என் பதில்;

அடுத்த வருடம்தான்

என் விடுமுறை!
                                    - யாசர் அரஃபாத்